HATAW! D'yaryo ng Bayan hatawtabloid.com
MATABIL
ni John Fontanilla
HAPPY si Klinton Start dahil sa dami ng proyektong ginagawa niya ngayon.
Bukod sa napili ito ng publisher ng Aspire Magazine na si Ayen Castillo para maging cover boy ng December issue, ka-join pa ito sa bago at malaking teleserye ng ABS-CBN.
Ito ang unang teleserye ni Klinton simula nang pasukin ang showbiz, kaya naman thankful siya sa ABS-CBN dahil nabigyan siya ng pagkakataong makasama sa nasabing teleserye.
Ayaw pa nitong banggitin ang title ng serye at kung sino-sino ang makakasama niya dahil wala pang date kung kailan ito ipalalabas.
At kahit isang buwan nga nitong ‘di nakikita ang kanyang ate Ann (Malig Dizon) at Haye (Start), tumatayong guardian dahil naka-lock-in taping sa Baguio, tinitiis ito ni Klinton dahil sa kanyang pangarap na makilala sa showbiz.
Ito ang kauna-unahang pagkakataon na nawalay ng matagal si Klinton kina Ann at Haye kaya naman grabeng adjustment ang pinagdaanan nito.
At kahit busy sa kanyang showbiz career, ay hindi naman nito pinababayaan ang kanyang pag-aaral.
