HATAW! D'yaryo ng Bayan hatawtabloid.com
I-FLEX
ni Jun Nardo
ITINANGGI ni presidentiable Manila Mayor Isko Moreno na ginawa ang pelikulang Yorme: The Isko Domagoso Story na election campaign ng kandidatura niya.
“Bago pa man ang pandemic, eh sinimulan na ito. Wala pa akong deklarasyon sa kandidatura ko.
“Natigil nang magkaroon ng pandemic. Nang gumaan ang sitwasyon, tinapos ito ni direk Joven (Tan). Boses ko lang ang naririnig sa trailer. Hindi ako producer ng movie,” pahayag ni Yormer sa kanyang solo presscon with the entertainment press.
Isang musical ang Yorme mula sa Sarangola Media Productions at ipalalabas sa sinehan sa Miyerkoles, Disyembre 1.
Tatlong henerasyon ng buhay ni Isko ang ilalantad sa movie mula bata hanggang sa pagiging Mayor niya ng Maynila.
Gaganap si Raikko Mateo bilang batang Isko na basurero sa Tondo, si MCcoy de Leon bilang teenager na Isko na naging That’s Entertainment member, at Xian Lim bilang adult Isko.
Huwag umasa na masisilip ang lovelife ni Yorme sa movie dahil sey niya, ”Hindi ako kiss and tell! Ha! Ha! Ha!”
