HATAW! D'yaryo ng Bayan hatawtabloid.com
SHOWBIZ KONEK
ni Maricris V. Nicasio
KUNG palaban sa hubaran ang mga baguhang sina Jela Cuenca, Cara Gonzales, Luis Hontiveros, at Rash Flores na pinatunayan nila sa mga daring scene nila sa pelikulang Palitan ng Viva Films, palaban din sila sa pagsagot sa mga katanungan ng entertainment press sa isinagawang virtual media conference noong Lunes.
Natanong ang apat kung bakit mas marami ngayon ang mga artistang walang takot maghubad sa mga pelikula.
Sagot ni Gela, ”Siguro gina-grab na lang nila ang opportunity and kung talagang worth it ‘yun tatanggapin ko iyon lalo na ngayon pandemic, sobrang hirap ngayon, sobrang hirap ng buhay ngayon.
Aniya pa, “kaya kahit anong darating na offer sa iyo tatanggapin mo talaga at alam ko namang walang masama sa ginagawa namin ‘di ba? Hindi porke naghubad sa pelikula, hubad lang talaga. May story doon. Dapat huwag nilang tingnan na palibhasa may hubaran, ganoon na rin kami sa real life. Of course not.”
Si Cara naman ay iginiit na walang masama sa paghuhubad. ”As long as hindi ka nababastos, walang masamang maghubad. ‘Yun naman ang thinking ng mga tao ngayon eh, masyadong judgemental kesyo naghubad pokpok na, kesyo nagganyan masamang tao na. Wala ng dulot sa mundo natin. Dapat hindi ganoon.
“Kaya kami naghuhubad ay para ipakita ang realidad ng mundo, may mga nangyayari talaga sa mundo natin na ganito, may foursome, threesome, at nandito kaming mga artista para i-express ang story ng bawat isa.”
Idinahilan naman ni Rush ang pandemic. ”Kasi ang daming nawalan ng trabaho before. Kailangan siguro nilang gawin ito at ginagawa lang nila ito bilang pagganap sa character nila na kasama rin sa character nila. Kailangan nilang abangan ang istorya na hindi lang ito puro hubaran.”
“I’m very glad na iyong industriya natin eh taking more risk towards improving ‘yung industry natin and ayusin natin ang quality ng films kasi we live in a country na very intense ang tradition and culture. Marami tayong taboo na hindi natin nabibigyan ng emphasis thru our films o mga show natin. But now a days mas lalo tayong nagiging kumbaga walking towards liberation and pagiging risk takers natin.
“Tulad nga ng sabi nila talaga namang nangyayari ito sa buhay natin ‘yung mga unconventional relationship.Kami lang ang nagiging way para maipakita ‘yung mga totoong nangyayari sa totoong buhay,” katwiran naman ni Luis.
Ang apat na bibida sa pelikula ay pinatunayang higit pa sila sa magaganda nilang katawan at mukha, kaya rin nilang makipagsabayan sa pag-arte ng mabibigat at mahihirap na eksena.
Ang Palitan ay isinulat ng Palanca award-winning screenwriter na si Honeylyn Joy Alipio. Si Alipio ay nakilala bilang isang mahusay na screenwriter sa bansa matapos umani ng parangal sa mga isinulat niyang pelikula, gaya ng Taklub, na pinarangalan ng Prize of the Ecumenical Jury award sa Cannes Film Festival noong 2015, at ang Mindanao, na nanalo naman ng dalawang awards sa 41st Cairo Film Festival.
Abangan ang pakikipaglaro ng apat na tao sa apoy para sa pag-ibig, mapapanood na ang Palitan sa Vivamax sa December 10, 2021 na idinirehe ni Brillante Mendoza.
