FB page ng asawa ni Ara, na-hack

I-FLEX
ni Jun Nardo

NA-HACK ang Facebook account ng asawa ni Ara Mina na si Dave Amarinez nitong nakaraang mga araw. Ikinagulat nina Ara at Dave ang pangyayaring ito lalo na’t wala naman silang masamang ginagawa.

Nag-aalala raw si Dave na baka isipin ng mamamayan ng San Pedro, Laguna, eh siya ang nag-block sa mga follower niya.

“Naku, hindi ko sila bin-block at ini-snob! Na-compromise lang po ang ating Face Book na Dave Almarinez Movement. Pero kahit marami ang bitter ampalaya, eh hiwag kayong mag-alala.

“Ilo-launch natin ang ating bagong Official Face Book page para tuloy-tuloy namin kayong makausap at updated sa aming ginagawa,” saad ni Dave.

“Wala naman kaming ibang pakay kundi magserbisyo sa San Pedro,” sey naman ni Ara sa pambibiktima ng hackers sa asawang si Dave.

Palibahasa celebrity ang asawa ni Dave kaya target siya ng kanyang mga kalaban sa politika, huh!