Angel ‘paborito’ na naman ng mga troll

HATAWAN
ni Ed de Leon

BINABANATAN na ng mga troll si Angel Locsin at iginagawa pa siya ng kung ano-anong nakasisirang tsismis. Nagsimula kasi iyan nang mag-comment siyang dapat bigyan ng proteksiyon ang mga nagreklamo ng sexual molestation laban kay Pastor Apollo Quiboloy, ang spiritual adviser ni Presidente Digong, at sinasabing “appointed son of God” and “owner of the Universe.”

May hindi rin magandang comment na binitiwan si Daniel Padilla laban sa pastor na lumabas sa online site ng ABS-CBN, na sinabi niya kay Vice Ganda na patitiglilin niya at masasara, matapos na pagtawanan ng komedyante ang sinasabing pagpapatigil niya sa lindol.

Hindi mo talaga maiiwasan iyan. Marami ring followers si Quiboloy, ano man ang sabihin ninyo. At natural tatalakan kayo basta may sinabi kayong hindi maganda laban sa kanilang pastor. Hindi kagaya iyan ng mga Katoliko na hindi kumikibo kahit na noong murahin ni Presidente Digong ang Santo Papa at maging ang Diyos.