Relasyon ni John Lloyd bakit nga ba laging nauuwi sa hiwalayan?

MA AT PA
ni Rommel Placente

SA guesting ni John Lloyd Cruz sa Kapuso Mo Jessica Soho (KMJS) noong Linggo, kinuha ni Jessica Soho ang reaksiyon ng aktor sa pagpapakasal ng ex nitong si Ellen Adarna kay Derek Ramsay noong November 11, 2021.

Nagpasintabi muna si Jessica bago usisain si John Lloyd sa reaksiyon nito. At hindi niya binanggit ang pangalan ni Ellen. Pero obvious naman na ang misis ni Derek ang tinutukoy niya.

Sabi ni Lloydie, “Finally, she found the one.”

Bago nagpatuloy sa reaksiyon niya ay ipinaliwanag muna ni John Lloyd na hangga’t maaari ay ayaw niyang magsalita tungkol sa naging relasyon nila ni Ellen dahil hiwalay na sila.

“You have to put it in context, and I have to be very careful because that’s her life.

“Nagsisimula at matatapos sa anak namin ‘yung aking masasabi patungkol sa kanya or sa buhay niya.

“Kaya when talking about her, I need to be very careful,” paliwanag pa ni John Lloyd.

Patuloy niya, “Siyempre, sincerely, I wish her all the happiness in the world.

“And I wish them both a strong and fun marriage.

“Kasi vital ‘yan sa welfare at sa growth ng anak ko.”

Inusisa rin ni Jessica si John Lloyd kung bakit lagi na lang nauuwi sa hiwalayan ang pakikipagrelasyon nito gayong sa mga pelikula ay madalas nakakatuluyan niya ang kanyang nagiging kapareha.

“Naku! Mahirap sagutin ‘yung bakit,” napapangiting sagot ni John Lloyd.

“Pero ang maganda roon, totoo ‘yung buhay ko. Hindi siya buhay ng isang pelikula lang.

“Sana alam ko ‘yung sagot. Definitely it takes two to tango. Definitely nagkulang ako sa bawat pagkakataon sa bawat isa sa kanila.

“Kung hindi naman talaga nararapat, bakit natin ipipilit? Baka hindi pa siguro rin akma.”

Hindi  naman sinagot  ng award-winning actor ang tanong ni Jessica kung nakakailang girlfriend na siya. Pero sa pagkakaalam namin, ang mga naging girlfriend niya ay sina Kaye Abad, Liz Uy, Shaina  Magdayao, Ruffa Guttierez, at Angelica Panganiban. At ang huli nga ay si Ellen, na nagkaroon pa sila ng anak na si Ellias. So nakaanim na girlfriend na pala si John Lloyd?