HATAW! D'yaryo ng Bayan hatawtabloid.com
SHOWBIZ KONEK
ni Maricris V. Nicasio
KAKAIBA talaga ang datingang Joey de Leon. Kaya hindi nakapagtataka kung siya ang ‘ginamit’ ng tandem nina presidential aspirant Ping Lacson at Tito Sotto sa kanilang bagong infomercial.
Effective at malinaw na naipahayag ni Joey ang infomercial na “Tapusin Ang Lagim, Yakapin Ang Liwanag,” bukod pa sa bagay sa boses ng Henyo Master ang mga linyang ginamit.
Tinukoy sa infomercial ang dami ng problema ng bansa. At ang sabi ng boses ni Joey: “Kung gusto nating magbago ang ating buhay, ito ay nasa ating mga kamay. Kung tayo ay pipili ng lider na hinog sa kakayahan, sanay sa labanan, at subok sa karanasan; mga lider na may utak ang tapang, at may tapang ang utak: Tapusin ang lagim, yakapin ang liwanag [sabay pakita kina Lacson at Sotto].”
Dahil sa informercial na ito malamang na krayola ang mga supporter ng ibang presidential at vice presidential aspirants na wishful thinking pa rin na sana ay hindi ang tambalang Lacson-Sotto ang suportahan ni Joey.
Dati’y may lumabas sa social media na inedit na larawan ni Joey at pinekeng caption na sinasabing ibang kandidato ang ineendoso ng Eat Bulaga dabarkads.
Kaya naman nag-post ng maigsing pahayag si Joey para punahin ang fake news at manindigan na ang tanging susupotahan ay ang tambalang PiTo o Ping-Tito.
Ang paggamit sa fake news sa pangalan ni Joey, na kilala sa pagiging witty at poetic sa pananalita ay patunay na malakas at heavygat ang endorsement ppwer niya.
Wala pa si Vic Sotto niyan ha.
