HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
NATAWA si Wilbert Ross nang matanong agad ito sa zoom media conference ng pelikula nila ni AJ Raval, ang Crush Kong Curly ng Viva Films na idinirehe ni GB Sampedro at palabas na sa December 17 sa Vivamax kung pinagpapantasyahan niya ang kanyang leading lady.
“Parang hindi naman,” natatawang sagot agad ni Wilbert. “Sexy siya, maganda, pero walang malisya,” susog pa ng baguhang aktor.
Sobrang cool lang daw kasi nila sa lahat ng scenes habang nagsu-shoot. “So wala talagang malisya, I don’t know, ramdam mo ba na may malisya ako sa ‘yo,” baling-tanong nito kay AJ.
At kahit may intimate scenes silang dalawa inamin din ni Wilbert na wala siyang naramdamang kakaiba. “Ako po honestly wala. Alam din naman po niya (AJ) ‘yun kasi intimate scenes namin mismo may mga tigil kami, usap tapos lagi kong ina-assure sa kanya na hindi siya maba-violate.
“Kaya lagi kong tinatanong sa kanya kung ano ang mga hindi dapat mangyari, mga bawal at ‘yung mga bawal na ‘yun sinisiguro ko po talaga na hindi ko magagawa,” giit ng aktor na ang tinutukoy ay ang mga bawal na ma-touch dahil may restriction si AJ.
Romantic-comedy ang pelikula pero pagtatapat ni AJ, dito siya nahirapan kompara sa Taya na isang erotic thriller.
“Kasi po para sa akin sobrang layo ng personality ni Elle (ginagampanan niyang karakter) sa personality ko. Sobrang kikay ni Elle kaya nahirapan ako. Pero nandiyan naman po sina direk (GB Sampedro) na nag-guide sa amin.
“Sinabi naman po nila kung ano ‘yung mali na ginagawa ko at kung ano ‘yung tama. I think nabigyan ko naman ng justice ‘yung character ko,” anang sexy actress.
Hindi rin ikinaila ni Wilbert na nahirapan siya sa intimate scenes nila ni AJ. “Kasi nga po first time ko, pati sa kissing scenes palang kabog na ang dibdib ko tapos all out kaya tinanong ko si direk kung paano ‘yung kadyot na pang kamera.
“Ginawa ko na po ‘yung best ko, walang dalawang isip, itinodo ko na lahat,” sabi pa ni Wilbert.
At dahil hirap siya sa ganitong eksena, natanong ang aktor kung tatanggapin niya sakaling alukin siya ng daring role. “Hindi ko pa alam right now. Hindi ko pa alam kung ready na ako sa ganoon kasi itong ‘Curly’ may touch of comedy , so, parang nababawi sa. Hindi ko masabi for now. Kasi two years ago sinabi ko hindi ko kayang mag-bed scene pero nagawa ko ngayon. Hindi ko po alam for now,” susog pa ni Wilbert.
Ang Crush Kong Curly ay mapapanood na sa sa Dec. 17 sa Vivamax at kasama rin dito sina Maui Taylor, Chad Kinis, Loren Mariñas, Andrew Muhlach, Madelaine Red, Sab Aggabao, Gab Lagman, Jao Mapa, at Gina Pareño.
