HATAW! D'yaryo ng Bayan hatawtabloid.com
ALAM MO NA!
ni Nonie Nicasio
IPINAHAYAG ni Therese Malvar na sobra siyang nagagalak sa muling pagbabalik sa pag-arte sa pelikula. Tampok sila ni Jeric Gonzales sa Broken Blooms na kasalukuyang nagsu-shooting na.
Wika ng Kapuso actress, “Super happy po ako na sa pagbabalik ko ulit sa pelikula ay kasama ko sina Direk Louie (Ignacio), Sir Dennis Evangelista, Sir Benjamin Austria, Direk Ralston (Jover) po… It’s a great casts and a great story, kaya very-very excited po ako ngayon.”
First time gumanap ni Therese bilang misis sa pelikula, paano niya ito pinaghandaan?
“Iyon nga po, dahil first time ko po na parang very adult talaga iyong role and may asawa, naninibago po ako.
“Pero in fairness po as of now naman po, comfortable naman po kami and sabi nga po ni direk Louie, magba-bonding bonding po kaming lahat para mas maging comfortable ako sa mga scenes, lalo na at lagi kaming magkasama ni Jeric sa mga eksena,” pahayag ng young actress.
Sa pelikula ay gumaganap siya bilang si Cynthia, 20 years old, isang young wife ni Jeremy (Jeric), isa rin siyang BTS Army o super fan ng Korean boy band na BTS. Masunurin siya sa biyenan kahit buwisit dito. Love-hate ang relationship nila ni Jeremy at makikita rito ang mga pagsubok na pagdadaanan ng kanilang young marriage.
Ang Broken Blooms ay initial venture ng BenTria Productions ni Engr. Benjamin G. Austria.
Bukod kina Therese at Jeric, ang casts ng pelikula ay kinabibilangan nina Ms. Jaclyn Jose, Boobay, Royce Cabrera, Mimi Juareza, at Lou Veloso. Ito’y isinulat ni Direk Ralston Jover at pinamamahalaan ni Direk Louie Ignacio.
