6 tulak huli sa droga

DINAKIP ng mga operatiba ng Quezon City Police District (QCPD) ang anim na hinihinalang pusher kabilang ang isang babae, sa isang buy bust operations kahapon ng madaling araw.

Kinilala ni Project 4 Police Station commander P/Lt. Col. Melchor Rosales ang mga nadakip na sina Mario Matugina, alyas Art, Aaron Mapa, Fernando Dela Cruz, Adornado Chua, William Ellem at Baby Grace Sandrino.

Sa ulat, dakong 2:40 am, nitong 3 Nobyembre, nang isagawa ang drug operation sa Kalantiaw St., cor P. Tuazon Ave., Brgy. Bagumbuhay, Project 4, Q.C.                 

Isang pulis na nagpanggap na buyer ang bumili ng shabu sa halagang P500 at nang magkaabutan ay inaresto ang mga suspek.

Nakompiska mula sa anim na suspek ang 11 plastic sachet na naglalaman ng isang gramong shabu, nagkakahalaga ng P6,800, apat na cellular phones gayondin ang buy bust money.

Nakapiit ang mga suspek at nahaharap sa kasong paglabag sa RA 9165 o ang Comprehensive Dangerous Drug Act of 2002. (ALMAR DANGUILAN)