Monday , February 3 2025
Floyd Mayweather, Michael Jordan, David Beckham

Jordan mas mayaman pa kina Mayweather at Beckham

TINATAYANG sina Floyd “Money” Mayweather at David Beckham ang pinakamayamang atleta  sa lahat ng panahon, pero sa latest na pagtaya, si NBA superstar Michael Jordan na ngayong ang nangunguna pagdating sa net worth kahit na pagsamahin pa ang kita ng dalawang superstars ng sports.

Si Jordan na naglaro ng 15 seasons sa NBA, nanalo ng anim na kampeonato sa Chicago Bulls, ay itinuturing na pinakamatinding atleta sa kasaysayan ng palakasan.

Ganunpaman, tinitingala rin sina Mayweather at Beckham bilang hari ng kani-kanilang larangan, si Floyd ay may 50-0 fight record, samantalang ang ex-England football captain ay nanalo ng amin na Premier League titles at sa Champions League sa Manchester United.

Bagama’t naging matagumpay ang dalawa sa kanilang sporting discipline, sinuman sa kanila ay hindi mapapantayan ang naisubing pera ni Jordan, na ayon sa Forbes, ang real-time net worth niya ay umabot sa £1.32bn.

Sa panahon ng pamamayagpag ni MJ sa basketball, nang maglaro  siya sa Chicaco Bulls at Washington Wizards, kumabig siya ng £66m mula lang iyon sa kanyang  basketball salaries.

Ang kanyang totoong kayamanan ay mua sa kanyang business ventures sa labas ng court, na lalong lumago nang magretiro siya sa basketball noong 1999.

Ayon sa report ng Forbes, ang 58-year-old na basketbolista ay tumiba ng $1.8bn mula sa corporate partnerships sa Nike, Hanes at Gatorade sa loob ng nakaraang 30 years.

Ang basketball legend ay pamoso sa kanyang Nike Air Jordan clothing at trainer brand, na sa kasalukuyan ay nakipag-partner sa Parisian football club Paris Saint-Germain.

Tumiba siya nang husto sa Nike na tinatayang pinakamalaking kita niya sa endorsements sa kasaysayang ng sports at tinatayang kumita siya rito ng tinatayang £1bn simula pa nung  1984,  nang una siyang naglaro sa  Chicago Bulls.

Iyon ang isang batayan kung bakit mas higit ang  naging kayamanan ni Jordan kahit pa pagsamahin ang kinita nina Mayweather at Beckham.

Ang  football icon at global superstar Beckham ay may tinatayang £326m sa makulay niyang career.

Pagkaraang pakasalan niya ang pop-sensation Victoria Beckham, ang dalawa ay lalong sumikat sa buong mundo, at sila ay nakipag-partner sa Adidas, H&M City, Breitling at Calvin Klein.

Si Beckham din ang co-owner ng American Soccer franchise na Miami FC, na nabili niya sa halagang £18m nung  2007.

Samantalang si Mayweather ay may net worth na £326m, at nakaranggo bilang pang-siyam na highest-paid athlete sa lahat ng panahon.

Ang impresibo lang kay Mayweather ay naitala niya ang mayorya ng kinita sa pakikipaglaban  sa ring.  Kumabig lang  ang 44-year old na boksingero ng £7m sa partnerships at  endorsements.

Ang malaking kinita niya ay sa naging laban niya kay Manny Pacquiao noong 2015 at Conor McGregor nung 2017, na umani siya ng hindi tataas sa  £500m mula sa dalawang laban.

Sina Mayweather at Beckha ay may  pinagsamang £650m na mas mababa sa kinita ni Jordan na £1.3bn.

About hataw tabloid

Check Also

filipino fishermen west philippine sea WPS

Sa pagdiriwang ng Chinese new year  
China dapat kilalanin karapatan ng PH sa WPS, pati Maritime Zone Law

KAUGNAY ng pagdiriwang ng Chinese New Year ay nanawagan si Senate Majority Leader Francis “Tol” …

Illegal recruiter na dating bomber tinutugis ng PNP

Illegal recruiter na dating bomber tinutugis ng PNP

ISINILBI ng mga operatiba ng PNP Provincial Intelligence Unit at Malolos City Police Station (CPS) …

Ramon Tats Suzara

Pambansang U21 Men’s Volleyball Championship, nagsimula na

Ang daan patungo sa FIVB Volleyball Men’s World Championship (MWCH) 2025 sa Setyembre ay sisimulan …

AGAP Partylist

Presyo ng bigas, atbp salot sa ekonomiya pinatututukan sa Palasyo

NANAWAGAN ang mga magsasaka partikular ang grupo ng AGAP Partylist kay Pangulong Ferdinand “Bongbong” Marcos, …

Casino Plus Creates 44 Multi-Millionaires in Two Months, Redefining Gaming Leadership

Casino Plus Creates 44 Multi-Millionaires in Two Months, Redefining Gaming Leadership

Casino Plus has achieved another groundbreaking milestone, concluding its “33 Multi-Millionaires” campaign with a spectacular …