HATAW! D'yaryo ng Bayan hatawtabloid.com
TODAS ang isang 41-anyos mangingisda nang mabagok ang ulo sa semento matapos dumulas ang sinasakyang bisikleta habang papalabas ng kanilang garahe sa Navotas City, kahapon ng umaga.
Patay agad ang biktimang kinilalang si Johan Calibjo, sa loob ng kanilang garahe sa #10 Fisherman Village, Brgy. Daanghari ng nasabing lungsod, sanhi ng pagkabagok na puminsala sa kanyang ulo at nabalian pa ng buto sa likod.
Batay sa salaysay ng ate kanyang ate na si Mary Grace Calibjo, 42 anyos, dakong 7:00 am, habang papalabas ng kanilang garahe ang biktima sakay ng bisikleta pero dumulas ito dahilan upang mabagok na kanyang ikinamatay.
Agad humingi ng tulong sa mga kapitbahay si Mary Grace ngunit nang matiyak na wala nang buhay ang biktima, ipinasiya nilang ipabatid ang pangyayari sa San Roque Police Sub-Station 2 na unang nagresponde sa lugar.
Iniutos ni Navotas police chief P/Col. Dexter Ollaging ang pagsisiyasat sa pangyayari upang alamin kung walang karahasang naganap sa biglaang pagkamatay ng biktima.
Hihintayin ng mga imbestigador ang resulta ng autopsy examination sa biktima bago muling ipagpatuloy ang pagsisiyasat. (ROMMEL SALES)
