HATAW! D'yaryo ng Bayan hatawtabloid.com
NANG ilabas ng ABS-CBN ang mga gaganap sa TV series ng Darna, na pagbibidahan ni Jane de Leon, hindi kasama rito ang gaganap na Valentina, ang babaeng may mga ahas sa ulo.
Maraming espekulasyon na si Jackie Rice ang napili para sa iconic role.
Ayon sa post ng isang Twitter user, sinabi rito na nililigawan ng Kapamilya Network si Jackie na lumipat na sa kanila dahil wala na itong kontrata sa GMA 7.
Naispatan din umano sa dinner si Jackie na kasama ang mga executive ng Dos. At ang una nga raw project na ibibigay dito ay ang Darna.
Dahil dito, tumaas ang kilay ng ilang mga netizen. At ayon sa isa, maming walang trabaho sa ABS-CBN at bakit kailangan pang kumuha ng talent sa kabilang network.
Kuwestiyon naman ng isa, paano ang mga loyal talent ng Dos na mas piniling maging loyal sa kanila, kaya dapat ang mga ito ang unang binibigyan ng project.
Well, abangan na lang natin sa announcement ng ABS-CBN kung kanino nga nila ibibigay ang role na Valentina. Kung kay Jackie nga ba, o sa iba? At kung totoong lilipat na ang dalaga sa Dos.
