HATAW! D'yaryo ng Bayan hatawtabloid.com
DINAKIP ang dalawang drug pusher makaraang makompiskahan ng P1.6 bilyong halaga ng shabu sa buy bust operation ng mga tauhan ng Philippine Drug Enforcement Agency (PDEA) sa Dasmariñas City, Cavite, nitong Sabado.
Kinilala ni PDEA Director General Wilkins Villanueva ang naarestong sina Wilfredo Blanco, Jr., 37, at Megan Lemon Pedroro, 38, kapwa residente sa Kasiglahan Village, Montalban, Rizal.
Ayon kay Villanueva dakong 3:30 pm nitong Sabado nang maaresto ang dalawa sa parking lot ng isang fast food restaurant sa Brgy. Salitran 2, sa Aguinaldo Highway, Dasmariñas City, matapos bentahan ng 240 kilo ng hinihinalang shabu ang mga ahente ng PDEA na nagpanggap na buyer.
(ALMAR DANGUILAN)
