Matuto habang nanonood ng siyensya

Rated R
ni Rommel Gonzales

NGAYONG Linggo, sa kanilang ika-500 episode, matuto habang nag-e-enjoy tungkol sa siyensiya sa panonood ng bagong-bagong episode ng I-Bilib sa GMA.

Samahan ang ating award-winning host na si Chris Tiu, ang mahusay na komedyanteng si Roadfill Macasero, at ang Kapuso sweetheart na si Shaira Diaz sa kanilang sari-saring eksperimento.

Alamin kung ano ang mas madaling gamitin; bola ng tennis, beach ball o bola ng volleyball? Panoorin ang I-Bilib Barkada na maglaro ng exciting Giant Pong game para malaman kung alin ang mas madaling i-shoot.

Alam n’yo ba na may mga laro na gumagamit ng bola simula pa noong 1,000 taon na ang nakararaan?

Alamin kung ano ang mga ito sa Ball From The Past Trivia.

Samantala, kilalanin si Vino Cuenca, ang Beatbox Champion ng Canada habang ipinakikita ang kanyang kagila-gilalas na beatbox routine sa Bilibabols segment.

Mahilig ka bang kumain ng mais? Huwag mong itapon ang pinagkainan mo dahil maaari silang gawing cute na mga robot sa Corncob Bots Experiment.

At alam n’yo ba na maaaring gumawa ng gintong medalya mula sa mga electronic junk? Believe it! Alamin sa E-waste Gold Medals Trivia.

At gawing mas espesyal ang inyong meryenda kasama si Shaira at ang kanyang masarap na Edible Gold Medal Life Hack.

Kaya gawing masaya at puno ng kaalaman ang inyong Sunday mornings with I-Bilib.