HATAW! D'yaryo ng Bayan hatawtabloid.com
HATAWAN
ni Ed de Leon
LUMIPAT na pala sa GMA7 ang beteranong writer na si Ricky Lee. Pero hindi lamang siya ha, may ilan pang mahuhusay na writers at creative personnel ang ABS-CBN na tumalon din sa Kamuning at ngayon ay bahagi na ng creative team ng kanilang network. Makikita mo na ginagawa nila ang lahat para maitaas ang kalidad ng kanilang show sa pagkuha ng mga tauhang palagay nila ay may alam. Kailangan nating aminin na noong araw, bagama’t paminsan-minsan ay nalulusutan nila ang ABS-CBN, nananatiling mas malakas na network iyon at ang mga serye noon sa primetime na mas sinusubaybayan ng mga tao. Sa natatandaan namin, talaga lang nalampaso ng GMA ang ABS-CBN, noong gawin nila ang Mulawin nina Richard Gutierrez at Angel Locsin, at noong ilagay nila sa prime time ang Jewel in the Palace na highest rating Korean drama in history.
Ngayon kinuha nila ang matitibay na writers ng mga drama ng ABS-CBN, pero mukhang tahimik naman ang mga resident writers ng GMA na dati na sa kanila. Maging iyong si Suzette Doctolero walang reaksiyon sa invasion ng mga taga-ABS-CBN sa teritoryo nila. Tiyak apektado ang mga dating writers ng GMA sa pagpasok ng mga bago.
Mababawasan kung hindi man sila mawalan ng kita.
