HATAW! D'yaryo ng Bayan hatawtabloid.com
PANGUNGUNAHAN ni Carlo Biado ang listahan ng Filipino players na sasargo sa Abu Dhabi Open 9-Ball Championship na tutumbok sa 8-11 Nobyembre 2021 sa Power Break Billiard Hall sa Abu Dhabi, United Arab Emirates.
Malaki ang tiwala ni Biado, isa sa Pinoy cue artists ang makasusungkit ng kampeonato.
Kamakailan, itinanghal na kampeon sa US Open 9-Ball Championship si Biado.
Kasama niyang tutumbok sa prestihiyosong torneo sina Roland Garcia, Armando ”Agila” Cagol, Demosthenes Pulpul, Jordan Bañares, Jayson Nuguid, Ivan Maluto, Harry Vergara, Arnel Bautista, Oliver Medenilla, Mac Kalagayan, Bong Sotero, at Kyle Amorato.
Lalahok din sa nasabing event ang UAE Team, Saudi Team, Qatar Team, Kuwait Team, Iran Team, at Oman Team. Kung sino man ang magkakampeon ay tatanggap ng 20,000 AED (United Arab Emirates dirham).
