HATAW! D'yaryo ng Bayan hatawtabloid.com
HINDI nakawala sa kamay ng mga awtoridad ang isang riding-in-tandem na snatcher matapos hablutin ang cellphone ng isang E-trike driver sa Malabon City, kahapon ng madaling araw.
Kinilala ni Malabon City chief of police Col. Albert Barot ang naarestong mga suspek na sina Jaycee Nuestro, 18 anyos, at Jonel Reyes, fish vendor at kapwa residente sa Navotas City.
Ayon kay Col. Barot, dakong 2:00 am, naglalakad sa kahabaan ng Gov. Pascual, Brgy. Concepcion ang biktimang si Bernie Gutierrez, 26 anyos, e-trike driver ng E Jacinto St., nang lapitan ng mga suspek na sakay ng isang Honda click saka hinablot ang kanyang cellphone na nasa P6,000 ang halaga.
Matapos ang insidente, humarurot ang mga suspek para tumakas habang humingi naman ng tulong ang biktima sa mga tauhan ng Malabon Police Sub-Station 6 sa pamumuno ni P/Lt. Rommel Adrias.
Ayon kay police investigator P/Cpl. Renz Marlon Baniqued, sa isinagawang follow-up operation ng mga tauhan ng SS6 ay naaresto ang mga suspek at nabawi ang cellphone ng biktima.
(ROMMEL SALES)
