HATAW! D'yaryo ng Bayan hatawtabloid.com
Rated R
ni Rommel Gonzales
SIKAT na vlogger sa Youtube si Kimpoy Feliciano na ngayon ay pinasok na rin ang pag-arte sa pamamagitan ng Youtube series na Laro Tayo, Taguan Ng Feelings kapareha si Gie Cayetano.
Bukod dito ay siya rin ang sumulat ng kuwento ng kanilang six-Saturday series.
“Kasi po kami po ni Anghet (Gie), mag-bestfriends po talaga, since second year high school hanggang ngayon so, para ‘yung istorya na ito somewhat related sa aming dalawa.
“Pero since nagkaroon kami ng followers na talagang sini-ship kami to be together, as a couple, in a relationship, parang in-exag (exaggerated), na ‘yung mga nangyayari roon sa series. Iyon ‘yung gusto nilang mangyari sa aming dalawa. So, parang iyon ‘yung ginawa naming istorya, parang iyon ‘yung gift namin for our followers.
“Gusto namin silang mapasaya.”
Ang “ship” o “shipping” ay ang kagustuhan ng mga tagahanga ng isang tandem na magkatotoo ang relasyon ng kanilang mga iniidolo.
Sa tunay na buhay ay wala silang relasyon kundi bilang mag-bestfriend
Ang istorya ng Laro Tayo, Taguan Ng Feelings ay tungkol sa mag-bestfriend na sina Paul at Angel na magkakagustuhan.
Kamakailan ay naging isyu ang tungkol sa pagta-tax sa mga vlogger at content creator, at pabor si Kimpoy dito.
“Noon pa naman po nagbabayad na ako [ng tax] so hindi po ako nagulat. Kasama po iyon, eh. Feeling ko po ‘yung mga natatakot ngayon, iyon ‘yung mga hindi talaga nagbabayad dati pa.
“And fun fact lang, si Angie po ang accountant ko so, siya ‘yung nag-aayos ng mga tax ko. Accountant po kasi ‘yan, eh.”
Bahay ang pinakamalaking investment ni Kimpoy mula sa kinita niya sa kanyang Youtube channel.
Hindi naman nagdamot si Kimpoy na sabihin kung magkano ang bahay niya.
“Inilabas po nila kasi online ko nabili ‘yun.”
Eighteen million ang halaga ng nabiling bahay ni Kimpoy at tatlong sasakyan.
Mula sa Brilliant Stars Entertainment, Team Paolita, at KUMU, ang Laro Tayo, Taguan Ng Feelings na napapanood tuwing Sabado, 8:00 p.m. sa Brilliant Stars Entertainment Youtube Channel mula September 11 hanggang October 16, sa direksiyon ni Bril V. Juan.
Nasa cast din sina Ralph Noriega, Jhelo Cristobal, Aiyana Perlas, Lara Fortuna, Gio Ramos, Anjo Pertierra, at Kiki.
