HATAW! D'yaryo ng Bayan hatawtabloid.com
KASABAY ng pagdiriwang ng ikasiyam na anibersaryo ng R Multimedia Productions ngayong buwan, ipinakilala nila ang dalawa nilang bagong male artist.
Ang R MultiMedia Productions ay pag-aari ni Roi Ira Jude Diego(PR at talent manager) na naging manager din ng ilan sa naging regular mainstay noon ng defunct GMA variety show na Walang Tulugan with the Mastershowman at ilang indie actors at recording artist.
At ngayon, dalawang masuwerteng kabataan naman ang tutulungan ni Roi through R Multimedia Productions at sila ay sina Rico Means at Red Mendoza.
Maituturing na ‘di na baguhan sa showbiz si Red na naging miyembro ng Ppop Group na Infinity Boys, nakagawa na rin ng indie film na My Day the series, nakasama sa ilang Kapamilya teleserye at naging 2nd runner up sa Digital talent search ng ABS CBN’s Starhunt’s BIDASTAR: Boy Next Door.
Baguhan naman sa showbiz si Rico na nakabase sa Vietnam at handang pumunta ng Pilipinas para subukan ang suwerte sa showbiz na mas gustong mag-concentrate sa pagkanta. Isa rin itong composer na base sa kanyang experience ang laman ng mga komposisyon.
Ayon kay Roi, maraming proyekto ang naka-line-up kina Red at Rico katulad ng virtual show, pelikula, endorsement, at recording contract bago matapos ang taon.
(JOHN FONTANILLA)
