HATAW! D'yaryo ng Bayan hatawtabloid.com
PATAY nang matagapuan ng kanyang ina ang isang call center agent matapos makipag-inuman sa mga kaibigan sa Malabon City, kamakalawa ng hapon.
Ayon kay Malabon police chief P/Col. Albert Barot, nadiskubre ang walang buhay na katawan ni Armando Escaño, 30 anyos, ng kanyang ina na si Mila, 56 anyos, nakadapa sa kanyang kama sa loob ng kanilang bahay sa VMN Compound, Brgy. Potrero dakong 2:00 am.
Sa salaysay ni Mila sa pulisya, huli niyang nakitang buhay ang biktima bandang 1:00 pm habang nakikipag-inuman sa kanyang mga kaibigan.
Dinala sa Northern Police District (NPD) Crime Laboratory ang bangkay para sa autopsy examination upang matukoy kung ano ang ikinamatay dahil wala naman nakitang injury sa kanyang katawan.
Sinabi ni Col. Barot, patuloy na iniimbestigahan ang insidente “pending the result of the autopsy examination.”
(ROMMEL SALES)
