Friday , March 1 2024
cal 38 revolver gun Shabu Drugs

3 tulak kalaboso sa baril at shabu

SHOOT sa kulungan ang tatlong tulak ng droga matapos makuhaan ng shabu at baril sa isinagawang buy bust operation ng pulisya sa Malabon City, kamakalawa ng gabi.

Kinilala ni Malabon City chief of police (COP) Col. Albert Barot ang naarestong mga suspek na sina Dennis Forfieda, 37 anyos, residente sa Caloocan City; Roberto Santos, 58 anyos, residente sa Brgy. Longos; at Rhoda Soriano, 49 anyos, ng Brgy. Potrero kapwa ng nasabing siyudad.

Batay sa ulat ni P/SSgt. Salvador Lalaken, Jr., dakong 11:35 pm nang magsagawa ang mga operatiba ng Station Drug Enforcement Unit (SDEU) ng buy bust operation sa University Avenue, Brgy. Potrero.

Nagawang makipag­transaksyon ng isang pulis na nagpanggap na buyer sa kanilang target na si Forfieda ng P500 halaga ng droga.

Nang tanggapin ni Forfieda ang marked money mula sa poseur-buyer kapalit ng isang sachet ng shabu ay agad siyang dinamba ng mga operatiba, kasama si Santos at Soriano na nakuhaan ng tig-isang plastic sachet ng hinihinalang shabu.

Tinatayang nasa 2.03 grams ng hinihinalang shabu na may standard drug price P13,966 ang nasamsam sa mga suspek habang ang buy bust money at isang cal. 38 revolver na kargado ng tatlong bala ay nakuha kay Forfieda.

Nahaharap ang mga suspek sa kasong paglabag sa Comprehensive Dangerous Drug Act of 2002. (R. SALES)

About Rommel Sales

Check Also

Robin Padilla Mariel Rodriguez IV Drip

Sen Robin at Mariel humingi ng sorry sa gluta session

MA at PAni Rommel Placente NAGPADALA ng dalawang sulat si Sen. Robin Padilla noong Lunes, February 26,  …

Law court case dismissed

Sa Jemboy Baltazar case
PULIS GUILTY SA HOMICIDE, 4 KABARO, 4 BUWAN KULONG BUGAYONG, ABSUWELTO 

“GANOON LANG? Makalalaya lang sila, sana maramdaman din nila ‘yung nararamdaman ng pamilya ko ngayon …

Sa kasong Statutory Rape LAGUNA REGIONAL LEVEL NA MWP INARESTO NG MAGDALENA POLICE

Sa kasong Statutory Rape
LAGUNA REGIONAL LEVEL NA MWP INARESTO NG MAGDALENA POLICE

CAMP B/GEN. PACIANO RIZAL – Arestado ang isang most wanted person (MWP) sa regional level …

DSWD Project LAWA BINHI DRT Bulacan

DSWD Inilunsad ang Project LAWA at BINHI sa DRT, Bulacan

SA layuning matugunan ang mga epekto ng El Niño phenomenon sa mga mahihirap at mahihinang …

PNP PRO3

PRO3 pinuri ng COA sa pananalapi, at sa 2024 exit conference

NAKATANGGAP ng mataas na papuri ang Police Regional Office 3 (PRO3) sa 2024 Commission on …

Leave a Reply

Your email address will not be published. Required fields are marked *