Wednesday , February 28 2024
217 Pinoys mula Gitnang Silangan inilipad pauwi ng Cebu Pacific

217 Pinoys mula Gitnang Silangan inilipad pauwi ng Cebu Pacific

LIGTAS na iniuwi ng Cebu Pacific sa bansa ang 217 Filipino mula sa Dubai, nitong Sabado, 4 Setyembre, sakay ng special commercial flight 5J 27, bilang bahagi ng pagtugon ng airline sa panawagan ng pama­halaan na tulungang makauwi ang overseas Filipino workers (OFWs) na na-stranded dahil sa travel restriction.

Ito ang pampitong CEB-arranged Bayanihan flight na aprobado ng special working group ng pamahalaan.

Matatandaang nag­ba­ba ng travel ban sa United Arab Emirates ang pamahalaan noong Mayo upang mapigilan ang pagkalat ng CoVid-19 at mga variant nito.

Bukod sa meal at baggage allowance upgrades, nakatanggap rin ang mga pasahero ng nasabing flight ng mga regalo mula sa Universal Robina Corporation (URC).

Kailangang sumunod ng mga pasaherong sakay ng mga Bayanihan flight sa mahigpit na health protocol, kabilang ang negatibong resulta ng RT-PCR na isinagawa 48 oras bago ang flight; pre-booked na 15-day/14-night facility-based quarantine stay sa pagdating sa bansa; at panibagong swab test na isasagawa pitong araw mula sa kanilang pagbaba.

Sasagutin ng Overseas Workers Welfare Administration (OWWA) o ng Philippine Ports Authority (PPA) ang mga gastusin sa quarantine hotel at RT-PCR test ng mga OFW sa ikapitong araw ng kanilang quarantine, samantala sasagutin nga mga returning overseas Filipinos (ROF) ang sarili nilang gastusin sa hotel at RT-PCR test.

Nakipag-ugnayan ang Cebu Pacific sa mga hotel na accredited ng Bureau of Quarantine (BOQ) upang matiyak na mayroong kaukulang pasilidad para sa mga pasaherong darating sakay ng naturang flight.

Kabilang sa mga hotel para sa Bayanihan flight ang Axiaa Hotel, Go Hotels North EDSA, Go Hotels Timog, Manila Diamond Hotel, at Marriott Hotel.

“We are grateful to be given the opportunity to continue offering our services to our kababayans at this time. We want to help the government to safely bring home more Filipinos,” pahayag ni Alex Reyes, Chief Strategy Officer ng Cebu Pacific

Mahigit 2,000 Filipino ang naihatid pauwi ng Cebu Pacific mula sa Gitnang Silangan sakay ng mga special commercial flight simula noong Hulyo.

Ang Cebu Pacific rin ang humawak sa repatriation flights na inorganisa ng Department of Foreign Affairs (DFA) na nakapag-uwi ng higit sa 1,700 Filipino mula Oman, Dubai, India, at Vietnam.

Ang Cebu Pacific ang may pinakamalawak na domestic network sa bansa na mayroong 32 destinasyon, kabilang ang walo nitong biyaheng internasyonal.

Isa sa pinakabata sa buong mundo, kabilang sa 75-strong fleet nito ang dalawang ATR freighter at isang A330 freighter.

(KARLA OROZCO)

About Karla Lorena Orozco

Check Also

Mr DIY Team Kramer 500 1

Team Kramer Joins MR.DIY in Celebrating 500th Store Milestone in Panglao, Bohol

MR.DIY Philippines CEO Roselle Andaya, alongside Doug and Cheska Kramer, jointly pressed the button to …

SM Foundation farmer 1

From passion to prosperity
SM Foundation farmer-beneficiary now an agripreneur, draws inspiration from Henry Sy, Sr.

KSK alumna Virgie with some of her mushroom chicharon products Gone are the days when …

Krystall Herbal Oil

Insekto at kulubot pinatalbog ng krystall herbal oil

Back to BasicNATURE’S HEALINGni Fely Guy Ong Dear Sis Fely Guy Ong,          Good morning …

April Aguilar Brgy Pilar Las Piñas

VM Aguilar pinangunahan ang pagtulong sa mga nasunugan sa Brgy. Pilar

PINANGUNAHAN ni Las Piñas City Vice Mayor April Aguilar ang pamamahagi ng tulong sa mga …

Pamahalaang Panlalawigan ng Bulacan, Eagle Cement, nagtanim ng 2,000 bakawan sa Hagonoy, Paombong

Pamahalaang Panlalawigan ng Bulacan, Eagle Cement, nagtanim ng 2,000 bakawan sa Hagonoy, Paombong

UPANG panumbalikin ang mga bakawan sa mga baybaying barangay ng lalawigan, nakipagkaisa ang Pamahalaang Panlalawigan …

Leave a Reply

Your email address will not be published. Required fields are marked *