HATAW! D'yaryo ng Bayan hatawtabloid.com
COOL JOE!
ni Joe Barrameda
HINDI napigilan ni Glaiza de Castro ang magkuwento ng malalim na pinagsamahan nila ni Marian Rivera noong batiin niya ito sa DongYan Funcon event ng GMA Pinoy TV.
Aniya, mula pa noon ay magkapatid na ang turing nila sa isa’t isa matapos nilang magkasama sa Amaya, Tweets for my Sweet, at Temptation of Wife.
“Nagsimula ‘yung ‘Bai’ noong ginawa namin ‘yung ‘Amaya’ so, ‘Bai’ means sister at eversince ginawa namin ‘yun, ‘Bai’ na ‘yung naging tawagan namin kasi I consider her as my sister,” pagbabahagi ni Glaiza.
Hindi naman nag-deny ang Kapuso Primetime Queen sa sambit ni Glaiza at malaki ang pasasalamat niya na naging magkaibigan sila.
“Siguro isa sa mga naging thankful ako is naging kaibigan ko talaga si Glaiza kasi isa ‘yan sa kahit hindi kami magkita o mag-text ng mahabang panahon pero ‘pag nagkita kami n’yan, parang kakakita lang namin,” ani Marian. At ang wish nilang pareho ay sana magkatrabaho sila ulit.
Marami pang ihinandang surprise ang GMA Pinoy TV para sa Kapuso abroad. At nitong September 1 nga lang ay si Bea Alonzo naman ang nakasama nila sa isang masayang FunCon online.
