HATAW! D'yaryo ng Bayan hatawtabloid.com
MA at PA
ni Rommel Placente
NALOKA ang isang entertainment writer sa isang mahusay na aktres.
Ang kwento, noong nag-abroad ang una ay naglambing ito ng dagdag baon sa huli. Umoo naman ang mahusay na aktres dahil close ito sa entertainment writer. Nagpadala siya rito ng P30k. Gulat ang entertainment writer dahil malaki ang ibinigay na dagdag baon sa kanyang biyahe.
Nang bumalik na ng ‘Pinas si entertainment writer, after ilang araw ay nakatanggap siya ng text sa mahusay na aktres. Sinisingil siya nito sa ipinadalang P30k. At ang sabi pa sa kanya, ‘yung araw na ‘yun niya mismo bayaran ang hiniram niya kasi kailangan nito ng pera.
Shocked talaga ang entertainment writer sa paniningil sa kanya ng mahusay na aktres.
Ang alam niya kasi niya ay bigay lang sa kanya ang P30k. Nag-text back siya sa mahusay na aktres at sinabing ang akala niya ay bigay sa kanya ang pera.
Sagot naman ng mahusay na aktres, pahiram lang iyon.
Ang ending, sinabi na lang ng entertainment writer na babayaran ang P30k pero hindi sa mismong araw na ‘yun dahil wala siyang ganoong pera that time. After a week na lang niya babayaran.
