HATAW! D'yaryo ng Bayan hatawtabloid.com
MATABIL
ni John Fontanilla
DOUBLE nomination ang nakuha ni Sunshine Dizon sa 34th PMPC Star Awards for Television at ito ay ang Best Drama Actress para sa mahusay na pagganap sa Magkaagaw at Best Single Performance by an Actress para sa Tadhana episode na Magkano ang Forever.
Kaya naman sobrang saya ni Sunshdine sa dalawang nominasyong nakuha mula sa Philippine Movie Press Club (PMPC).
Post nito sa kanyang IG account, “Unang beses ko yata ito na double nomination. Salamat po PMPC. Nakakataba ng puso. Nasa ibang bakuran at pamilya man ako ngayon nagpapasalamat pa din po ako at nabigyan ako ng pagkakataon na bigyang buhay si Laura sa Magkaagaw at si Bekang sa Magkano ang Forever. Sa lahat ng bumubuo at Director lalo na sa Tatay Gil Tejada ko at sa mga writer congratulations.”
Sunod-sunod ang naging post nito sa kanyang Instagram bilang pasasalamat sa PMPC at para i-congratulate ang kanyang mga kaibigan sa Kaputo at Kapamilya na nominado rin.
Binati nito ang mga kaibigang nominado rin tulad nina Dingdong Dantes for Best Drama Actor para sa Descendants of the Sun; Gabby Eigenman for Best Drama Supporting Actor sa Bilangin ang Bituinsa Langit; Vina Morales at Cherry Pie Picache for Best Drama Supporting Actress para sa Sandugo.
Sa paglipat ni Sunshine sa Kapamilya Network, kasama siya agad sa Marry Me Marry You with Vina, Lito Pimentel, Teresa Loyzaga, Joko Diaz, Janine Guttierez, Paulo Avelino, Edu Manzano, Adrian Lindayag, Cherry Pie Picache, Keann Johnson, Fino Herrera, Ej Jallorina, Jett Pangan, Jake Ejercito, Angelica Lao, Iana Bernardez, Luis Vera Perez mula sa direksiyon nina Jojo Saguin at Dwein RuedasBaltazar under Dreamscape Entertainment.
