HATAW! D'yaryo ng Bayan hatawtabloid.com
COOL JOE!
ni Joe Barrameda
MASAYANG ibinahagi ng isa sa lead stars ng upcoming GMA Afternoon Prime series na Nagbabagang Luha na si Glaiza de Castro ang ilan sa mga larawan at videos na kuha mula sa last taping day ng kanilang serye.
Kapansin-pansin sa behind-the-scene photos at videos na ipinost ng aktres sa kanyang Instagram ang closeness at masayang bonding na nabuo hindi lang ng cast kundi pati na rin ng production team ng Nagbabagang Luha.
Ani Glaiza sa kanyang caption, ”Last day taping ganap. First show na natapos ko during pandemic. Medyo nakakapanibago, pero sobrang saya na I was able to work with such amazing people. From actors to production team and resort staff, ang gaan ng pakiramdam. Maraming maraming salamat sa tawa at pagdamay sa mga iyak. Hanggang sa muli!”
Mas na-excite pa ang fans ng aktres nang ibahagi nitong mapapanood na ang Nagbabagang Luha sa August 2 sa GMA Afternoon Prime block.
Gagampanan ni Glaiza sa serye ang karakter ni Maita, ang responsible at mapagmahal na kapatid ni Cielo na bibigyang-buhay naman ni Claire Castro. Makakasama rin nila sina Rayver Cruz, Mike Tan, Myrtle Sarrosa, Karenina Haniel, Royce Cabrera, at Ms Gina Alajar.
