Bagsik ni Pacquiao walang kupas — Roach

MARAMI ang humangang fans ni eight-division world champion Manny Pacquiao sa inilabas na video sa social media sa kanyang opening day training sa Wild Card Gym sa Hollywood, California.

Hindi halatang 42 anyos na si Pacquiao dahil nananatili ang bilis ng footwork kaya naman maging ang kanyang premyadong trainer na si Freddie Roach ay bumilib.

Walang pagbabago ang kilos at lakas ng suntok ng Pinoy champion kahit matagal na natengga sa laban.

“He’s really sharp on his first day,” hayag ni Roach.

Makikipag-upakan si Pacquiao kay reigning World Boxing Council (WBC) at International Boxing Federation (IBF) welterweight champion Errol Spence, Jr., sa 22 Agosto 2021 (Manila time) sa Las Vegas, Nevada.

Aminado si Pacquiao na matindi at malakas ang kanyang makakalaban kaya naman hindi nagpa­pabaya sa kanyang pag­hahanda. (ARABELA PRINCESS DAWA)