HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
SOBRA-SOBRA rin palang magmahal itong si Angeline Quinto.
Sa kanyang Youtube channel, ibinuking nito ang sariling minsan na siyang nakapag-regalo ng motorsiklo sa naging dyowa.
Sinabi pa ni Angge na likas sa kanya ang mapagbigay. Kaya naman natanong ito kung nakapagpa-utang na ba rin siya?
“Nakasanayan nilakasi alam n’yo naman ako ‘di ba? Mapagbigay akong tao. Sabi ko nga sa inyo, hangga’t may maibibigay akong tulong. Siyempre jowa ko pa, siyempre ‘pag jowa niyo, mahal ninyo,” paliwanag ng tinaguriang Queen of Teleserye Theme Songs.
Paliwanag pa ng dalaga, kung minsan ay hindi na nagpapa-alam ang dyowa niya (pagkuha ng pera). ”Kuha lang siya nang kuha pero hinahayaan ko eh. Binigyan ko pa nga ng motor… nakapagbigay ako ng motor, sasakyan,” anito.
Kaya naman nasabi nitong hindi imposibleng bahay at lupa na ang maibigay niya sa magiging jowa.
Nalaman din sa video na muntik siyang makipagsapakan sa babae dahil sa isang action star. Hindi naman nito sinabi kung sino iyon at kung dyowa n’ya ba ang action star kaya siya makikipagsapakan.
Sa kabilang banda, si Angeline ay isang tunay na kapamilya ng Star Magic at buo ang kanyang pasasalamat sa premier talent management. Matapos magpahinga sa pagkawala ng kanyang Mama Bob, malaki pa rin ang pasasalamat ni Angeline ngayong 2021. Hindi lang siya napapanood sa Kapamilya primetime soap na Huwag Kang Mangamba, siya rin ay magbabalik-eskuwelahan at muling ilulunsad ng chicken wings business na naging malaking hit noong nakaraang taon.
Sa kabilang banda, abangan ang Star Magic Black Pen Day na isang milestone event para sa Star Magic sa Hulyo 18, 9:30 p.m. sa A2Z at Kapamilya Channel.
