HATAW! D'yaryo ng Bayan hatawtabloid.com
NADAKIP ang mag-utol na tinaguriang most wanted sa probinsiya ng Northern Samar na tinaguriang “top most wanted” sa nasabing lugar sa Valenzuela City, sa magkasunod na oras kamakalawa ng hapon.
Kinilala ni Valenzuela City police chief, Col. Ramchrisen Haveria, Jr., ang suspek na si Beltran Cerbito, 55 anyos, Top 3 most wanted persons ng Northern Samar sa tinitirahan nitong bahay sa St. Joseph Compound, Brgy. Bagbaguin, ng lungsod.
Batay sa ulat ni P/Major Marissa Arellano, hepe ng Station Intelligence Branch (SIB), dakong 1:45 pm nang maaresto si Cerbito sa bisa ng isang arrest warrant na inisyu ng Regional Trial Court (RTC) – Branch 22, Laoang, Northern Samar para sa kasong paglabag sa Republic Act 8353 o ang Anti-Rape Act of 1997.
Makalipas ang isang oras, nadakip ng mga pulis ang No. 2 most wanted ng probinsiya na si Rommel Cerbito, 23 anyos, sa Zaragoza St., Tondo, Maynila, sa bisa ng arrest warrant na inisyu ng RTC Branch 22, Laoang, Northern Samar RTC para sa kasong rape in relation to R.A. 7610.
Ang dalawang naarestong suspek ay kapwa residente sa Valdez Compound, Paso De Blas, Valenzuela City. (ROMMEL SALES)
