HATAW! D'yaryo ng Bayan hatawtabloid.com
ALAM MO NA!
ni Nonie Nicasio
ni Nonie Nicasio
SUMABAK sa umaatikabong bakbakan ang grupo ni Franco Miguel sa pelikulang Balangiga 1901 na hatid ng JF Film Production ni Ms. Jarrimine Fortuna.
Kuwento sa amin ng businessman/actor na si Franco,
“Pinatay ko na iyong ibang mga Amerikano. Ganoon kasi ‘yung character ko sa movie, gigil na gigil ako sa mga Amerikano na kaaway natin that time.”
Dagdag niya, “Yes, isa ito sa madugong eksena sa Balangiga movie namin na kaabang-abang talaga.”
Tampok sa pelikula sina Ejay Falcon, Jason Abalos, Richard Quan, Mark Neumann, Lala Vinzon, Emilio Garcia, Jao Mapa, Ricardo Cepeda, Ramon Christopher, Jeffrey Santos, Rob Sy, at iba pa, sa panulat at direksiyon ni Danny Marquez.
Sino ang mga kasama niyang nakipagbakbakan sa mga Kano?
Tugon ni Franco, “Bale, kami nina Jeffrey Santos and Rob Sy, tatlo lang kaming artista ngayong araw. Pero may eksena rin kami ni Ejay na nakikipaglaban sa mga Kano.”
Last June 18 ay nag-resume na ulit ang shooting ng naturang pelikula sa San Rafael, Bulacan.
Ang Battle of Balangiga ay isang historic event at itinuturing na one of the bloodiest encounters noong panahon ng Philippine-American war na naganap noong 1899-1902. Dito kinuha ng mga Amerikano ang tanyag na Balangiga Bells.
Si Franco ay nagsimula sa showbiz noong 1998.
Napanood siya sa mga pelikulang daring tulad ng Nena Inosente at ang kanyang launching movie ay Mapupulang Rosas with Allona Amor.
Ngayon kahit balik-showbiz, mas focus si Franco sa kanyang mga business.
