HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
“The country’s problems cannot be solved by TikTok, by photo ops, by lip service.”Ito ang diretsahang tinuran ni Senador Ping Lacson ukol sa mga gustong tumakbo sa 2022 election na ginagamit ang Tiktok at iba pang social media platform para magpapansin o makakuha ng boto.
Reaksiyon niya rin ito sa mga tila nagre-request sa kanya na mag-Tiktok.
Hindi naman kasi maikakaila na marami ang aliw na aliw sa Tiktok kaya maging ang mga politiko ay nahu-hook din dito.
Pero ibahin natin si Lacson dahil para sa kanya hindi ito ang tamang platform o paraan para maka-solve sa sandamakmak na problemang mayroong ang Pilipinas.
Para kay Lacson ang Tiktok ay maihahalintulad din sa mga dati nang ginagawang photo ops ng mga politikong tumatakbo. Pagpapa-pogi lang at hindi pag-aksiyon o pag-solve sa problema.
Isa si Lacson sa mga ikinokonsiderang hottest presidential contenders sa 2022 bagamat wala pa siyang inia-announce ukol kung tatakbo nga ba siya.
Nagpahayag na ng suporta sina Senator Tito Sotto at Manila Mayor Isko Moreno at kagustuhang maging running mate kung tatakbo ito sa Panguluhan.
Subalit wala pa ring pahayag si Lacson dito. Aniya, ”I always consider the presidency or leading any particular organization a calling. It is a big responsibility.”
Bago ito, marami ang humanga sa post niya sa Twitter na tila ukol sa pagtakbo niya bilang Pangulo. Aniya, ”Best to think long and hard. It is not a game or a joke.”
So there, wait na lang tayo sa magiging announcement pa ni Sen. Lacson kung pagbibigyan ba niya ang maraming panawagan ng mga netizen na tumakbo nga siya bilang Pangulo sa 2022.
