HATAW! D'yaryo ng Bayan hatawtabloid.com
ALAM MO NA!
ni Nonie Nicasio
ni Nonie Nicasio
SUMUNGKIT ng dalawang nominations ang talented na singer/songwriter na si Ashley Aunor sa gaganaping 12th Star Awards for Music ng Philippine Movie Press Club (PMPC).
Nominado si Ashley para sa mga kategoryang Novelty Artist of the Year at Novelty Song of the Year para sa kantang Mataba.
Nagpahayag ng labis na kagalakan si Ashley sa naturang achievement.
“Sobrang happy po! Kasi despite the pandemic, may malaking blessing na dumating po. Super thankful ako,” saad niya nang kunin namin ang kanyang reaksiyon sa kanyang double nominations.
Dagdag pa niya, “Ate Marion and I co-wrote and co-produced the song together. Ako rin ang nag-areglo and nag-mix ng song.”
Ibig sabihn kapag nanalo siya, kalahati ng trophy ay kay Marion?
Nakatawang tugon ni Ashley, “Siyempre po, achievement namin pareho iyon, hahaha!”
Ang Mataba ang unang single ni Ashley. Last year ay naging nominado rin siya para sa nasabing kanta sa Awit Awards para sa kategoryang Best Novelty Song.
Iyong Mataba, sa palagay ba niya ay kantang talagang hindi niya makakalimutan?
Tugon ni Ashley na kilala rin bilang Cool Cat Ash, “Yes, kasi ito ang song na nag-boost ng confidence ko and kung saan nai-share ko ang advocacy ko against body shaming.”
Inusisa rin namin kung may bago bang aabangan ang kanyang fans? “May new music ako soon and masasabi ko lang for now is medyo surprising siya,” nakangiting wika pa ng bunso ng 70’s teenstar na si Ms. Maribel Aunor.
