HATAW! D'yaryo ng Bayan hatawtabloid.com
NITONG nakaraang Biyernes ay pinasinayaan ang pagbubukas ng mas pinalaki at makabagong Kalibo International Airport .
Sa tulong ng Department of Transportation (DOTr) at Civil Aviation Authority of the Philippines (CAAP) ay natapos din ang renovation ng nasabing paliparan na inabot nang halos mahigit tatlong taong.
Si DOTr Secretary Arthur Tugade at CAAP Director General Captain Jim Sydiongco ay kapwa dumating upang pangunahan ang naturang selebrasyon.
Dahil sa upgraded gateway ng KIA ay inaasahang makatutulong sa paglago ng ekonomiya ng Aklan at mga karatig probinsiya na ang pangunahing industriya ay turismo dahil sa isla ng Boracay.
Ang mas pinalaking International Passenger Terminal Building ay mayroon na ngayong kapasidad na tumanggap ng 406 pasahero. ‘Di hamak na mas malaki kompara sa 344 pasahero na tinatanggap nito noon.
Mula rin sa 1,584 metro kuwadradong sakop ng PTB ay umabot na ito ngayon sa 2,633.4 metro kuwadrado.
Dahil sa paglaki ng PTB ay inaasahang mababawasan ang paghaba ng pila ng mga pasahero na dati ay umaabot pa hanggang sa kabilang domestic passenger terminal building.
Sa pagtatapos ng naturang IPTB, natupad ni Tugade ang pangako sa probinsiya na makapagdudulot sila ng karagdagang trabaho sa mga taga-Aklan.
Kabilang ang Kalibo International Airport sa regional transport infrastructure development sa ilalim ng “Build, Build, Build” program ng Duterte administration.
Congrats, SOT Tugade and CAAP DG Sydiongco!
Hindi lang po natin alam kung umabot na sa inyong kaalaman na pagdating sa stakeholders ng airport gaya ng Customs, Immigration at Quarantine ay nagiging matipid ang opisina ng CAAP.
Hanggang ngayon ay hindi pa kompleto at luma ang pasilidad ng mga opisina at counters nila.
Madalas ay sila pa ang naaawitan ng CAAP na magpagawa ng kanilang pasilidad imbes na sagot ito ng management ng airport.
Arayku!
Kaya sariling sikap na lang… ganern?!
TRAVEL BAN
SA 7 BANSA
IPINAALALA
NI MORENTE
INIANUNSIYO ni Bureau of Immigration (BI) Commissioner Jaime Morente ang patuloy na pagpapatupad ng travel ban mula sa pitong bansa dulot ng CoVid-19 variants.
Sa direktiba mula sa Palasyo ng Malacañang, ang mga pasaherong manggagaling sa bansang India, Pakistan, Nepal, Bangladesh, Sri Lanka, Oman, at United Arab Emirates (UAE) ay hindi muna pahihintulutang makapasok ng bansa hanggang 15 Hunyo 2021.
Ayon kay Morente, “Those who have travel history from said countries within the last 14 days from the date of their arrival in the Philippines will also be prohibited from entering the country.”
“However, those who will only be transiting in the region – meaning they will not exit the airport and will not be cleared by immigration authorities there, and will only be landing for a layover, may be allowed to enter the Philippines,” dagdag niya.
Sinabi rin ng kasalukuyang hepe ng BI Port Operations Division na si Atty. Carlos Capulong, hindi pa rin papayagang pumasok ang mga turista sa ngayon.
“Only Filipinos, Balikbayans, and foreign nationals with valid and existing visa(s) who are not coming from the 7 restricted countries may be allowed to enter the Philippines. Those who will be entering under a 9(a) Temporary Visitor’s Visa or a Special Resident Retirees Visa would need to present an entry exemption document to be allowed to enter,” saad ni Capulong.
Umaasa rin si Commissioner Morente na luluwag ang travel restrictions sa bansa hanggang sa huling bahagi ng taon dahil sa tuloy-tuloy na pagbabakuna ng pamahalaan.
Hopefully…
Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
