Netizens napa-wow sa mala-Disney na Lolong

Rated R
ni Rommel Gonzales

MARAMI ang nagandahan at humanga sa teaser ng Lolong na ipinakita nitong Lunes sa 24 Oras.

Mabilis ding naging trending sa Twitter ang #Lolong na kasama sa mga programang nakalinya ng Kapuso Network ngayong taon. Talaga namang napa “Wow!” ang mga naka­panood sa pasilip sa upcoming adventure series ng GMA Network na pagbibidahan ni Ruru Madrid.

Ang Lolong ang sinasabing biggest primetime adventure series sa Pilipinas ngayong 2021 at kung pagbabasehan ang reaction ng mga nakapanood sa teaser, promising talaga ang nasabing serye na handog ng GMA Public Affairs.

May ilan pang nag-comment na parang Disney ang gumawa ng teaser at nakabibilib talaga ang animatronics na gagamitin para sa karakter na si Dakila—ang dambuhalang buwaya na magiging kaibigan ni Lolong (Ruru) sa serye.

Bukod kay Ruru, bibida rin sa serye sina Shaira Diaz at Arra San Agustin.

Marami talagang exciting shows na dapat abangan sa GMA ngayong taon!