HATAW! D'yaryo ng Bayan hatawtabloid.com
Rated R
ni Rommel Gonzales
EMOSYONAL si Rita Daniela nang malaman na kabilang siya sa mga nominado bilang Best Actress sa 11th International Film Festival Manhattan para sa kanyang pagganap sa pelikulang In The Name of the Mother.
Sa panayam ni Rita kamakailan sa 24 Oras, inihayag niya ang nararamdamang saya at pasasalamat, ”The fact na napansin ako, na-appreciate nila ‘yung trabaho ko roon sa pelikula na ‘yun, nakakikilig. Kaya ako naiyak kasi parang nakakikilig na nakae-excite na nakatutuwa.”
Dagdag pa ni Rita, karangalan na maituturing ang tiwalang ibinigay sa kanya para sa role sa nasabing pelikula na idinirehe ni Joel Lamangan.
“First ko narinig sa kanya na ‘Congratulations! You did great in this movie,’ sabi niya, ‘Congratulations in advance. Thank you for giving a good work.’ ‘Yun ‘yung naalala ko kaya naiyak na lang ako noong nakita ko ‘yung nomination kasi sabi ko, ‘Ah, okay. Mukhang totoo nga ‘yung sinabi ni Direk Joel.’”
Bukod kay Rita, nominado rin sa parehong category ang beteranang aktres na si Snooky Serna na kasama niya sa pelikula.
Samantala, malapit na muling mapanood sa telebisyon si Rita kasama ang ka-loveteam na si Ken Chan sa upcoming GMA Afternoon Prime series na Ang Dalawang Ikaw. Abangan!
