HATAW! D'yaryo ng Bayan hatawtabloid.com
Wika ni Gene, “Proud po ako sa collab namin ni Michael dahil siya po ang unang artist na kumanta ng composition ko na Puso Ko’y Laan sa debut album niya noon. Ngayon sa revival, makaka-duet ko na ang original singer ng song ko, kaya super proud po talaga ako.”
Si Michael ay isang batikang mang-aawit na bahagi ng TV show noon na Aawitan Kita at ng Starbrighters under Boy C. de Guia. Siya ang pinakabatang musical director ng show. Siya rin ang kumanta ng movie themesongs na Gumapang Ka Sa Lusak, Ibabaon Kita Sa Lupa, Ang Lahat Ng Ito Pati Na Ang Langit, at iba pa. Siya ang nagpasikat ng Minahal Kita noong 1997 under Northern Sky Records na naging four times Platinum at ni-revive kalaunan ng Aegis at ni Mitoy Yonting. Si Michael ay nakabase na sa America at lead singer ng sikat na grupo sa Las Vegas na The Society of Seven.
Si Gene naman ay kilalang singer/songwriter sa Riyadh, Saudi Arabia. Siya ang unang OFW singer na napasama bilang isang certified artist member ng Performers Rights Society of the Philippines. Siya rin ang kumanta at nag-compose ng Magkano Ba Ang Pangarap na official themesong ng unang indie movie sa Riyadh titled Visa Exit Re-entry. Siya rin ang kumanta at nag-compose ng Dahil Kapag Wala Ka na themesong ng indie movie sa Riyad, ang Hiram. Siya’y nakagawa na rin ng mga corporate jingles ng mga kilalang companies sa Saudi Arabia gaya ng Philippine Airlines (Saudi Arabia), Friendi Mobile at Fawri Money Transfer.
Ang Viva Records ay nag-release ng official soundtrack ng millennial movie noong 2018 na Spoken Words at dalawa sa soundtrack titled Bakit Di Ko Nakita at May Nanalo Na Besh ay parehong kinanta at kinompose ni Gene.
Malayo man sa isa’t isa, nananatili ang komunikasyon nila bilang magkaibigan. Si Michael ay nasa Las Vegas at si Gene ay nasa New York, dito nila naisip na i-revive ang Puso Ko’y Laan. Sa pagkakataong ito, sila mismo ang kakanta sa revival na mula sa areglo ng batikang musical arranger na si Adonis Tabanda.
ni Nonie Nicasio
