HATAW! D'yaryo ng Bayan hatawtabloid.com
KASAMA si Jhaiho sa pelikulang Momshies, Ang Soul Mo’y Akin, mula sa Star Cinema na pinagbibidahan nina Karla Estrada, Melai Cantiveros, at Jolina Magdangal.
Sa virtual presscon ng Momshies, Ang Soul Mo’y Akin, sinabi ni Jhaiho na malaki ang pasasalamat niya sa tatlong host ng Magandang Buhay dahil ang mga ito ang nag-suggest na isama siya sa pelikula.
“Unang-una sa lahat, sobrang malaki yung pasasalamat ko sa Star Cinema, sa ABS CBN Films, for trusting me na maging part nito. At siyempre sa tatlong mga mahal nating momshies because if not for momshie Jolens, momshie Karla, at momshie Melai, baka po siguro hindi ako napasama sa movie.
“Kasi ang balita ko po sinabi nila na gusto rin nila akong makasama sa pelikula. So noong nalaman ko ‘yun, nagpasalamat ako ng bonggang- bongga sa mga momshies,” sabi ni Jhaiho.
Idol ni Jhaiho si Jolina. Kaya naiyak siya nang makatrabaho niya ito.
“Sobra akong naluluha, kasi alam naman ng lahat, sinasabi ko sa mga past interviews ko, na super idol ko talaga eversince bata ako, si momshie Jolens. Dati, pumipila ako sa mall shows niya sa SM Bacoor. Pumupunta ako sa mga meet and greet niya, ganyan. Nagtatanong ako before sa sarili ko, bakit ganoon? Nagkaroon ako ng teleserye, may mga trabaho akong ginagawa, pero hindi ako nagkakaroon ng chance na maka-work si ate Jolens like sa akting talaga.
“Sa ‘Magandang Buhay,’ lagi naman nila akong isinasama sa mga episode nila. Noong nakuha ko itong project na ‘to, hindi ako makapaniwala na ‘yung first mainstream movie ko na ibinigay ng Panginoon ay si momshie Jolens agad ang nakasama ko. Sabi ko nga kay ate Jols, nangyayari ba talaga ‘to?”
Mapapanood ang pelikula ng mga Momshies sa May 28 sa mga digital streaming platforms tulad ng KTX ph, iWant TFC, TFC IPTV, Sky Cable PPV, at Cignal PPV.
MA at PA
ni Rommel Placente
