HATAW! D'yaryo ng Bayan hatawtabloid.com
DINAKIP ang 10 drug suspects, kabilang ang isang Grab driver sa isang buy bust operation matapos makompiskahan ng tinatayang 2.1 kilo ng shabu at ecstasy tablets sa Brgy. Tandang Sora, Quezon City, nitong Linggo ng tanghali.
Sa ulat kay Quezon City Police District (QCPD) Director, nadakip sina Eugene Paul Bernardo, 30, Grab rider; Arvin Jay Correa, 28, dog breeder; Mark Ramirez, 33, motor shop owner; Justine Venancio, 20, jobless; at Carina Trinidad, 37, housemaid, pawang taga-Sampaloc, Maynila.
Sina Alexander Almeda, 19, jobless, ng Banawe Avenue; at Franselle Nono, 35, cosmetic artist, ng Brgy. Tandang Sora kapwa sa Quezon City.
At Mannie Bacalangco, 47, online seller, ng Brgy. Rizal; April Batac, 36, jobless, ng Carmona; at Stephanie Centino, 44, sales manager ng Brgy. Olympia, pawang sa Makati City.
Sa report, dakong 12:15 pm nitong 23 Mayo nang magkasa ng operasyon ang pinagsanib na puwersa ng Philippine Drug Enforcement Agency (PDEA)-National Capital Region (NCR), Quezon City Police District (QCPD) Talipapa Police Station 3 at iba pang law enforcement agency sa Block 1, Lot 23, Villa Rebecca Homes, Brgy. Tandang Sora matapos makatanggap ng tip hinggil sa kanilang ilegal na aktibidad.
Agad inaresto ang mga suspek matapos magpositibo ang transaksiyon at nakompiska ang tinatayang 2.1 kilo ng shabu na nagkakahalaga ng P14.28 milyon; 5 pirasong ecstacy tablets at mga drug paraphernalia.
Ang mga suspek ay pawang nakapiit na at nakatakdang sampahan ng mga kasong paglabag sa Republic Act 9165 o The Comprehensive Dangerous Drugs Act of 2002. (ALMAR DANGUILAN)
