Jillian Ward, excited na sa Book-2 ng Prima Donnas

Kinamusta at inusisa namin si Jillian thru FB kung ano ang nararamdaman niya na nagkaroon ng Book 2 ang kanilang top rating TV series sa GMA-7?

Masayang tugon niya, “Ito po, nasa bahay lang po ngayon, naghahanda po para sa Prima Donnas Book-two. Two months na lang po at magte-taping na kami. Kaya po excited na rin ako.”

Dagdag pa ni Jillian, “Sobrang natutuwa po ako dahil nga isa po siyang proof na marami po kaming napapasaya, at marami talagang nakatutok po sa show namin.

“Sobrang worth it po iyong pagod namin, lalo na po noong nag-lock-in taping kami.”

May pagbabago ba sa cast at sa twist ng istorya sa Book 2? Esplika ni Jillian, “Mayroon po! Sa pagkakaalam ko po, may mga papasok po na new characters and siyempre, iba na po ang plot sa Book-2.”

Hinggil naman sa role niya, kung may pagbabago ito ay wala pa raw siyang idea. “Hindi ko pa po kasi nababasa yung script, since wala pa po. Ang alam ko lang po is may new characters and iba na rin po ang takbo ng story,” pakli pa ni Jillian.