Liezel nakahanap ng pamilya sa Babawiin Ko Ang Lahat

NGAYONG Biyernes (May 21) magtatapos ang Babawiin Ko Ang Lahat na tampok si Liezel Lopez.

Ani Liezel na gumaganap bilang evil half-sister ni Pauline Mendoza, marami siyang babauning masasayang alaala at magagandang aral mula sa serye.

Itinuturing na rin niyang second family ang buong cast ng show. ”Gift sa akin ng ‘Babawiin Ko Ang Lahat,’ ‘yung naging second family ko ‘yung co-actors ko. That’s the best gift na ibinigay niya sa amin and also ‘yung experience ng first lock-in taping namin, ‘yung memories. ‘Yung magaganda at masasayang memories.” 

“And ayun, ‘yung friendship na nabuo sa aming lahat, that’s the greatest gift for me,” dagdag pa ng Kapuso actress.

Sundan ang mga kapana-panabik na eksena sa finale week ng Babawiin Ko Ang Lahat, pagkatapos ng Karelasyon sa GMA Afternoon Prime.

Rated R
ni Rommel Gonzales