HATAW! D'yaryo ng Bayan hatawtabloid.com
“M AHIRAP kapag namatay kang mag-isa, kasi pagtagal hindi ka na maaala ng tao. Unlike ‘pag may anak ka, sasabihin ng anak mo, ‘ako po ‘yung anak ni Ogie Diaz.’”
Ito ang ibinigay na rason ni Ogie Diaz nang payuhan niya noon ang dating alaga at kaibigang si Vice Ganda ukol sa pagkakaroon ng para may makasama at magpatuloy ng legacy niya.
Kuwento ni Ogie nang minsang makatsikahan namin ito sa opening ng Tiger Winx Restaurant sa Panay Avenue, ”Noong nagkita kami sa Badminton, sabi ko, ‘teh ano na kung noon mo pa in-entertain (pag-aanak), eh, ‘di ilang taon na ang anak mo ngayon?’”
Pero ang isinasagot sa kanya lagi ng Unkabogable Phenomenal Star ay nandidiri, ”sabi niya (Vice), ‘teh, hindi ko naman kaya ‘yun!’
“Sabi ko, ‘gagah, hindi ka naman dyudyug, magbabati ka lang para lumabas ang semilya mo. Iku-culture ang semilya mo at imi-meet sa egg cell.”
Pati ang nanay ni Vice na si Gng. Rosario Viceral ay gustong magka-anak si Vice.
Sinabi pa ni Ogie na handa siyang samahan si Vice Ganda kahit sa Thailand kapag gusto na nitong mag-anak.
“Willing ko siyang samahan sa (Thailand), sobra kong pangarap ‘yun for Vice na magkaroon siya ng anak kasi sabi ko sa kanya mag-iiba ‘yung perspective mo in life, look mo in life kapag may anak ka.
“Mabubuhos ang atensiyon mo, nandiyang iingatan mo lalo ang sarili mo kasi gusto mong maabutang magka-apo ka sa anak mo,” giit pa ni Ogie.
SHOWBIZ KONEK
ni Maricris Valdez Nicasio
