HATAW! D'yaryo ng Bayan hatawtabloid.com
MAY bagong pelikula at endorsement ang versatile na indie actor na si Tonz Are.
Siya ang bida sa movie na Kid Kamao, mayroon din siyang bagong BL series.
Masayang kuwento ni Tonz, “Ang Kid Kamao po ang new movie ko, ako ang bida po rito. Kuwento po ito ng isang boxer na puno ng pangarap para sa kanyang pamilya at sa kasintahan niyang bulag.
“Kasama sa casts sina Maridel Pacleb, Glenn Darakan, Arthus Aboleda, Jay Melo, sa direksiyon ni Nel Talavera.”
Dagdag niya, “May new BL series din po ako, ang title ay My Furry Love at under Acquired Production po ito, directed by Jodi Garcia.
“I play the role of Vanjo, tito ako ni Gunner dito na ginampanan ni Enzo Santiago. Kasama rin dito si Khaleb Ong and ‘yung sa PBB Teens 7th edition na si Kristine Hammon. Mapapanood na ito this coming June sa YouTube, bale 10 episodes po ito at kaabang-abang talaga.”
Nabanggit din ni Tonz kung paano siya naghanda sa Kid Kamao.
Aniya, “Sa Kid Kamao po, talagang nag-training ako, jogging… tapos nag-boxing, mayroon po akong trainer dito, my stunts po kasi ako sa pelikula. Si kuya Arthus Arboleda po ang trainer ko rito, black belter siya.”
Nagkuwento rin siya sa bagong endorsement na Zuob Magnezium na swak sa mga mahilig mag-suob.
“Ang Zuob Magnezium po ay gawa rito sa ‘Pinas ng Magnezium Philippines po, ako po ang celebrity endorser nila. Mag-spray lang ng 15 times nito, gamit ang batya, towel, mainit na tubig… Ang Magnezium, my testimony po siya, napakabisa po talaga and maganda ito bilang theraphy,” wika pa ni Tonz.
ALAM MO NA!
ni Nonie Nicasio
