Friday , April 4 2025
gun shot

2 kritikal sa pamamaril sa Navotas at Malabon

DALAWANG lalaki ang nasa malubhang kalagayan makaraang mabiktima ng pamamaril noong araw ng Martes sa magkahiwalay na lugar sa mga lungsod ng Malabon at Navotas.
 
Kritikal ang kalagayan sa Tondo Medical Center (TMC) ng unang biktimang si Lucino Laguros, 54 anyos, tricycle driver at naninirahan sa Area 3 Labahita St., Brgy. Longos, Malabon City sanhi ng tama ng bala ng hindi batid na kalibre ng baril sa iba’t ibang bahagi ng katawan.
 
Sa ulat ng tanggapan ni Navotas Police chief P/Col. Dexter Ollaging, gamit ni Laguros ang kanyang mobile phone habang nakahiga sa kanyang tricycle sa Lapu-Lapu Ave., Brgy. NBBS Kaunlaran dakong 8:30 pm nang biglang pagbabarilin ng isa sa dalawang sakay ng motorsiklo na nasaksihan mismo ng 46-anyos niyang kinakasama na si Lerma Astillo.
 
Ayon kay Ollaging, nagsasagawa sila ng follow-up operation upang matukoy ang pagkakakilanlan ng mga suspek para sa agarang pagkakadakip habang inaalam ang motibo ng pamamaril.
 
Nauna rito, dakong 3:00 am nang barilin sa kanang mata ng isang alyas Tyrone ang 18-anyos na si Vincent Revidad ng Block 49, Alupihang Dagat St., Brgy. Longos habang sumasalok ng tubig sa labas ng kanilang tirahan.
 
Kaagad na isinugod ng kanyang mga kaanak ang biktima sa Ospital ng Malabon ngunit inilipat kaagad sa Jose Reyes Memorial and Medical Center upang isailalim sa operasyon dahil sa tama ng bala.
 
Ayon kay Malabon police chief P/Col. Joel Villanueva, bago nangyari ang pamamaril ay nagkaroon ng rambol ang dalawang grupo ng kalalakihan sa lugar at posibleng napagkamalang kaaway ang biktima na tiyempo namang lumabas ng kanilang bahay para sumalok ng tubig.
 
Tinutugis ng pulisya ang suspek upang papanagutin sa naturang krimen. (ROMMEL SALES)

About Rommel Sales

Check Also

Anne Curtis Bam Aquino

Kandidatura ni Aquino ‘binasbasan’ ng ‘Diyosang’ si Anne nang makita sa NAIA

PERSONAL na naipaabot ni Anne Curtis (matapos magpahayag sa X, dating Twitter), ang pagsuporta kay dating Senador at independent …

Padre Burgos Ave Ermita Manila Road Accident

Sa Ermita, Maynila
4 sugatan sa bangaan ng mga sasakyan

SUGATAN ang apat na indibiduwal matapos masangkot sa insidente ng banggaan ang ilang mga sasakyan …

Rosales Pangasinan Fire Sunog

Sa Rosales, Pangasinan
INA, 10-ANYOS PIPI-BINGING ANAK PATAY SA SUNOG MULA SA POSTE NG KORYENTE

ISANG 30-anyos ina at 10-anyos anak na babaeng pipi at bingi ang namatay sa sunog …

Meycauayan Bulacan Police PNP

Road rage sa Meycauayan
Grab driver sugatan sa saksak ng nakabanggang motorista

SUGATAN ang isang 39-anyos Grab driver nang pag-uundayan ng saksak ng nakabanggaang motorista sa lungsod …

Benhur Abalos Jr

Abalos bitbit ng Liga ng mga Barangay sa Pilipinas

OPISYAL nang inendoso ng Liga ng mga Barangay sa Pilipinas (LNB) ang kandidatura ni dating …

Leave a Reply

Your email address will not be published. Required fields are marked *