HATAW! D'yaryo ng Bayan hatawtabloid.com
PRANGKANG inamin ng bagong ibini-build-up na sexy star ng Viva na si Sunshine Guimary na mapapanood sa kanilang bagong handog, ang Kaka na idinirehe ni GB Sampedro at mapapanood sa Vivamax na nag-enjoy siya kay Jerald Napoles at nabitin kay Ion Perez.
Sina Jerald at Ion ang leading man niya sa Kaka, isang sexy comedy film na mapapanood simula May 28, 2021.
Sa virtual media conference noong Linggo, sinabi ng vlogger at tinaguriang Braless Goddes na nabitin siya kay Ion sa kanilang sexy scenes dahil, ”kasi medyo limitado ‘yung mga bagay at nag-enjoy ako kay Jerald kasi siguro pareho kaming open sa lahat ng bagay.”
At dahil pa-sexy si Sunshine, naikompara ito kay Ivana Alawi.
Ani Sunshine, ”Ayoko ng competition. Kung ano ‘yung kaya kong gawin, paghihirapan ko ‘yun i-earn. Ayaw ko ng kompetisyon.
“Masaya ako na ikinukompara ako kasi ibang level si Ivana at masaya ako na ako ‘yung ikinukompara sa kanya,” sambit pa ni Sunshine.
Ang Kaka ay kuwento ni Katherine Bataan a.k.a. DJ, isang sex therapist sa radio na sa kabila ng pagiging mandirigma sa kama, hindi pa naranasan ang “kaligayahan.”
Ito ay dahil sa sumpa sa lahat ng babae ng kanilang pamilya. Pero ang pinakahihintay ni Kaka na kaligayahan sa kama ay makakamit sa isang lalaki na nakilala niya sa isang party. Naniniwala si Kaka na ang lalaking si Levi (Ion) ang itinadhana para sa kanya. Sa lalaking ito ay handa niyang baguhin ang sarili. Tutol naman dito ang matalik niyang kaibigan na si Jorge (Jerald).
Kasama rin sa Kaka sina Gina Pareño (Lolita Kiri, lola ni Kaka), Rosanna Roces (Mama Kams at nanay ni Kaka), Maui Taylor (kasambahay na si Babet), at Jackie Gonzaga (Ate Girl).
Kasama rin sa movie sina Debbie Garcia, Juliana Parizcova Segovia, Andrea del Rosario, Giselle Sanchez, Sheree Bautista, Lander Vera-Perez, Josef Elizalde, Pio Balbuena, Billy Villeta, Yuki Sakamoto, at Minnie Nato, with special participation of Janine Teñoso, Marion Aunor and Ronnie Liang.
Ang theme song sa pelikula na pinamagatang Sunshine ay mula kina Juan at Kyle na umawit ng phenomenal na Marikit.
Panoorin ang premiere nito sa Vivamax kaya mag-subscribe na sa Vivamax sa web.vivamax.net.
SHOWBIZ KONEK
ni Maricris Valdez Nicasio
