HATAW! D'yaryo ng Bayan hatawtabloid.com
AMINADO ang newbie hunk actor na si Marco Gomez na malaking blessing sa kanya ang pelikulang Silab. Ito ang launching movie ng member ng Belladonnas na si Cloe Barreto. Tampok din sa pelikula si Jason Abalos.
Wika ni Marco, “Talagang I feel blessed, kasi I’ve been in showbiz for almost four years and may time na gusto kong mag-give up. Kasi siyempre iba ang sistema rito sa Filipinas, tapos hindi Tagalog ang first language ko.
“So, may time na gusto kong mag-give up… pero since my father passed away, I promised him to continue this passion we both have.
“Tapos ayun, sobrang blessed ako na ibinigay sa akin ‘yung Silab. And maganda naman daw ‘yung feedback sa amin sa movie. So, I really feel blessed about it,” lahad ng 22 year old na si Marco na lumaki sa Austria. Siya ay six footer, moreno, isang singer, at martial arts black belter. Sinabi rin ni Marco na proud siyang maging part ng pelikulang Silab.
“Yes, I’m very proud, very proud. Especially ‘yung story mismo, maganda ‘yung story. Kasi bale ano siya e, ‘di ba crime of passion? And medyo dark ‘yung movie.
“Ang maganda roon, maraming twist, akala mo ito na, ‘yun pala mayroon pa, tapos mayroon pa!”
Pahabol na esplika pa niya, “Basta maganda ‘yung story and I’m proud to say na puwede naming ilaban sa international filmfest ito.”
Ang Silab ay sa direksiyon ng batikang si Joel Lamangan at mula sa 3:16 Media Network, owned ng manager nina Marco at Cloe na si Ms. Len Carrillo.
Ang pelikula ay sa panulat ni Raquel Villavicencio at tampok din dito sina Lotlot de Leon, Chanda Romero, Jim Pebanco, Quinn Carrillo, Karl Aquino, Christine Bermas, Rie Cervantes, at iba pa.
ALAM MO NA!
ni Nonie Nicasio
