HATAW! D'yaryo ng Bayan hatawtabloid.com
MASAYA ang award-winning actress na si Ana Capri sa kanyang simpleng buhay sa Australia, bilang mother and wife.
Almost three years na siyang namamalagi sa Australia at ikinasal siya sa Australian businessman na si Dave. Last October 2019 ay naging mommy si Ana at ngayon ay naka-focus sa kanyang mag-aama, lalo sa kanilang cute na cute na one and a half year old baby boy named Dylan John.
Kuwento sa amin ni Ana thru FB. “Okay naman ako, enjoying motherhood. ‘Di pa makauwi. I was offered three good projects, waaaaaaa! One with Direk Auraeus Solito, Direk Adolfo Alix for Nora Aunor film, and Direk Jeffrey Jeturian na new project, waaaaaaa,” palahaw ni Ana bilang panghihinayang.
Aniya, “They all called me, mga inaabangan kong director… Well, life is good bawal mag-complain, miss ko na kayo.”
Nang usisain namin kung kailan niya gustong magbalik-showbiz, ito ang tinuran ng aktres, ”Not right now. I’m focusing muna kay baby DJ. I want to enjoy and cherish every moment of being his mom muna. Then, quality time with my loving husband din po. Maybe, ask me again next year about sa showbiz.”
Miss na ba niya ang showbiz? “Oo naman, hehehe. Before curious ako to feel normal, now sobrang normal, hehehe. Except for focusing sa hubby and son… and I have a product na ii-endorse soon. Siguro sisimulan na nila to promote it. I’ll let you know kuya.”
Kapag may gustong kumuha sa commercial sa baby niya, okay lang ba sa kanya?
“Oo naman, siyempre, why not?” Nakangiting sagot ng Best Supporting Actress sa 3rd ASEAN International Film Festival and Awards para sa pelikulang Laut ni Direk Louie Ignacio.
ALAM MO NA!
ni Nonie Nicasio
