HATAW! D'yaryo ng Bayan hatawtabloid.com
TINURUKAN ng kanyang unang dose ng bakuna laban sa CoVid-19 si Navotas City Mayor Toby Tiangco.
Isinagawa ang pagbabakuna kay Tiangco, kabilang sa A3 o persons with comorbidity sa San Jose Academy dakong 12:00 ng tanghali kahapoon gamit ang CoronaVac.
Muling nanawagan si Tiangco sa lahat ng mga residente at manggagawa sa lungsod na magpa-rehistro sa NavoBakuna CoVid-19 vaccination program.
Aniya, umabot sa 3,618 ang nabakunahang frontliners, senior citizens at with comorbidities sa lungsod. Susunod na rito ang mga economic essential workers.
“Malaki po ang maitutulong ng pagpapabakuna para matapos na ang pandemya, at mapaangat na natin ang ating buhay at kabuhayan” pahayag ni Tiangco.
Nitong 11 Abril, umabot sa 9,457 ang tinamaan ng CoVid-19 sa lungsod, 1,251 dito ang active cases, 7,930 ang gumaling at 276 ang pumanaw.
(ROMMEL SALES)
