Saturday , November 27 2021
Bulabugin ni Jerry Yap
Bulabugin ni Jerry Yap

AFP, media sinisi sa insidente sa West Phil Sea (Tuliro na ba?)

NANGANGMOTE na rin ba ang Armed Forces of the Philippines (AFP) kung kaya’t imbes proteksiyonan ang mga mamamahayag na nakaranas ng paninikil sa mga sakay ng Chinese military vessel nang magpunta sa West Philippines Sea (WPS) ay sila pa ang sinisisi?!

Mantakin ba naman ninyong ipahayag nitong si AFP spokesperson Maj. Gen. Edgar Arevalo nitong nakaraang Biyernes na ang pagnanasa ng mamamahayag na si Chiara Zambrano ng ABS CBN na makauna o maka-scoop ng balita ang dahilan kung kaya’t na-harass sila ng Chinese military vessel?

Hello?!

May mga puwersa pa ba ang AFP diyan sa WPS na nagbibigay ng proteksiyon sa ating mga mangingisda?!

Hindi ba’t bago magtungo ang team nina Ms. Zambrano ay mainit nang pinag-uusapan ang pamamalagi ng mahigit sa 100 Chinese vessels sa Julian Felipe Reef?!

Buong tapang na nagtungo sa WPS ang team ABS CBN dahil gusto nilang maiulat kung ano ang katotohanan sa pagdagsa ng mga Chinese vessel sa Julain Felipe Reef.

Dahil sa rami ng Chinese vessels ay halos hindi na rin makapamalakaya ang mga mangingisda sa takot na i-harass sila ng mga Chinese.

‘Yun ang gustong iulat ng Team ABS CBN, pero imbes tulungan ang mga mamamahayag na makapag-interview sa mga mangingisda, aba sinisi pa sila dahil ‘nagalit’ daw ang mga Intsik?!

Wattafak!

Hindi ba’t maraming mangingisda ang nagrereklamo dahil hindi na sila makapamalakaya nang ‘paradahan’ ng Chinese vessels ang Julian Felipe Reef?!

Ang tanong tuloy natin, sino ba dapat ang ipinagtatanggol ng AFP?! Para kanino ba talaga sila?!   

Sa Filipino o para sa mga Intsik?!

Nakalulungkot ang mga nangyayari sa ating bansa. Ang mga sundalong Pinoy ay naglilingkod kung sino ang kinikilingan ng administrasyon.

Ang AFP ba ay hindi para sa Filipino?! Sila ba’y laging para sa mga dayuhan?!

Nalilimutan yata nilang taxpayers’ money ang nagpapasuweldo sa mga sundalong Filipino.

Mantakin ninyo, ang Chinese Coast Guard at ang bangkang may dalawang missile na may tatak na People’s Liberation Army-Navy ang humabol sa bangka ng mga Filipino sakay ang news team hanggang mapadpad sila sa Palawan?!

Ibig sabihin nasa loob pa sila ng teritoryo ng Filipinas pero sila pa ang sinita at ini-harass ng mga Tsekwa?!

Hindi lang ‘yan, sila pa ang pinagagalitan ng AFP at sinabihan ni AFP spokesperson Maj. Gen. Edgar Arevalo na kasi gusto raw laging maka-scoop ni Ms. Zambrano?!

Ang lupit ni Sir!

Sabi nga ng National Union of Journalists of the Philippines (NUJP), imbes pagsabihan ng kung ano-ano, mas dapat na purihin sina Ms. Zambrano. 

“We commend them (Team Zambranno of ABS CBN) for going the extra nautical miles to try to get a better perspective on the situation in the West Philippine Sea,” pahayag ng NUJP.

Walang takot na naglayag nang malayo para ipaabot sa mga kababayan ang katotohanan sa WPS tapos hindi man lang inalalayan ng AFP?!

Tsk tsk tsk…

Saludo tayo sa Team Zambrano!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

AKSYON AGAD ni Almar Danguilan

Alyansa palakasin para sa Pag-asa Island/WPS — Eleazar

AKSYON AGADni Almar Danguilan MATAPOS magtanim ng bandera ng bansa sa Pag-asa Island sa kalagitnaan …

Bulabugin ni Jerry Yap

A heartfelt message for JSY

Before I start, I am speaking on behalf of my mom from her perspective, in …

Usaping Bayan ni Rev. Fr. Nelson Flores, MSCK, JD

Paalam pre…

USAPING BAYANni Rev. Fr. Nelson Flores, MSCK, JD. LABIS akong nabigla at nalungkot nang mabalitaan …

Bulabugin ni Jerry Yap

Memories with JSY

“LET us always find opportunities to be with the people we value the most. Life …

Isumbong mo kay DRAGON LADY ni Amor Virata

Nightclub sa Parañaque nag-ooperate kahit walang business permit/s

Isumbong mokay Dragon Ladyni Amor Virata SUPER POWER naman itong  Dynasty Club, KTV/Disco Bar na …

Leave a Reply