Ina hot mama, bumagay pa rin kay Paulo

NATUTUWA si Ina Raymundo na kahit may asawa at apat na anak na siya, nabibigyan pa rin ng magaganda at challenging role. Ang tinutukoy ni Ina ay ang iWant digital series na Ampalaya Chronicles: Me & Mrs. Cruz.

Isang May-December affair na may kakaibang twist ang istorya ng Mr & Mrs Cruz na makakatambal niya ang young actor na si Paulo Angeles.

Ani Ina sa isinagawang vitual media conference, ”Twenty-six years later may mga offer na ganito and I don’t mind accepting it because it is fun. Siguro for the past five years ‘yung mga role ko inaapi, kawawa, zombie.

“Ngayon napa-flatter ako na may ganitong offer. I’m open to it. May istorya, may challenge. Kumbaga may layer na of pain and maturity, lahat na ‘yun, hugot lahat-lahat.

“For me that’s a great combination na ‘yung character ko exudes sensuality and at the same time may layer of maturity. For me that’s so ideal,” paliwanag ng 45-anyos na aktres.

Hindi naman itinanggi ni Ina na nagdalawang-isip siyang tanggapin ang role bilang love interest ni Paulo.

“Tuwing napapanood ko talaga ang sarili ko, nagki-cringe ako, I don’t know why. Since Paulo is almost half my age, I’m always worried na baka mas magmukha akong nanay niya kaysa love interest.

Mapapanood ang Me And Mrs. Cruz sa iWant TFC Original Anthology Series sa March 26, at kasama rin dito sina Kristof Garcia, Nicki Morena at idinirehe ni Real Florido.

SHOWBIZ KONEK
ni Maricris Valdez Nicasio